بين إغفاءه وافاقه
بين إغفاءه وافاقه
انهى ساعاتى الاخيره فى العمل اسجل محادثه بكاميرا موبايل احد الزملاء فى العمل اقلد فيها اسامه منير ويضحك بعنف الاصدقاء ثم اتحرك للنزول من مدينه الانتاج الاعلامى افتح الابواب واخرج للشارع الفاضى اشعر ببرد شديد اكمل مكالمتى الهاتفيه ثم اركب اول مينى باص يمر متجه للجيزه
المينى باص مزدحم جدا اقف وانظر للجالسين ثم للفراغ من الشباك ثم اشعر بشعور جربته مره واحده اشعر بان جسدى يميل ونفسى غير منتظم اشعر بانى قادم على اغماءه وشيكه انتبه فجأه الى اننى بالمينى باص ولايمكن ان اسقط على الارض لانى اتوقع كلام الراكبين عن الصحه وعن الشباب وما يشربوه من مخدرات مع كوكتيل نصائح مع احساس سخيف ينتابانى دائما حين يصعب على نفسى – وخلفك عار العرب - ابدأ فى مقاومه الاحساس بالاغماءه اتصبب عرقا --وانسحبت من على وجهه سنوات العذابات- اشعر بان روحى تخرج منى ابدا اسمع اصوات الراكبين كأنها صدى ياتى من بعيد ولكنى لازلت اقاوم ... اتمنى ان ينهض احد الركاب حتى اجلس ولكن لا يوجد أمل فالمينى باص يسير الان على الكوبرى الدائرى – كل هذا يشيع بقلبى الوهن – اضع يدى على راسى واسند على ظهر احد الكراسى امسح عرقى بيدى وانا مهتم الا يشعر احد بما اعانيه اشعر بان الهواء يدخل كل جسدى والاصوات تـأتى من بعيد والوقت يمر كأنه دهر
نصل الى منطقه المطابات على نزله الكوبرى الدائرى يصعد المينى باص ويترنح جسدى وتترنح رأسى معه – بين أغفاءه وافاقه - فى النهايه أصل للرمايه فينزل احد الراكبين لاجلس مكانه لا استطيع ان اجلس جيدا ولا استطيع ان اعدل من جلستى ولكنى احاول التنفس جيدا اخرج تليفونى لاتصل بالصديقه اخبرها بصوت مكتوم انى منهك تماما ولا استطيع النزول من المينى باص فتقول لى ان ارتاح واذهب للمنزل وان نلغى معادنا اليوم اقفل السماعه – هل هذا ما كنت انتظره منها ولكن لا يهم المهم الان ان انزل من المينى باص - استجمع كل ما لدى من قوى وانزل فى المريوطيه اشعر بهواء الشتاء البارد يضرب جسدى اوقف سائق تاكسى واركب واطلب منه ان يذهب لطره فى اخر كورنيش المعادى عبر الدائرى ...ياه حظى السيىء السائق لا يعلم طلعه الدائرى ويريد منى الانتباه للطريق حتى اخبره لا استطيع الاعتراض استجمع قوتى المنهاره واشاور له على طلعه الدائرى ننزل من الكوبرى نسير على الكورنيش أفقد اى اهتام بما يدور حولى من زحام ضحكه طفله من عربه مجاوره اغنيه أحبها تخرج من كاست عربه تمر مسرعه كل هذا لا يغرينى للعوده للاستمتاع .. اخيرا اصل للمنزل فلا اجد احدا . ارتمى على الكنبه وادير التلفزيون لا اعلم لماذا ادرته ولكنى اريح راسى على الكنبه وفى الخلفيه صوت محمد صبحى ومسرحيه كارمن بعد قليل ابدأ انزعج من هتاف صبحى فى التلفزيون فأعلم انى الان استعدت حواسى .. انهض اغسل وجهى ثم اتوجه للنوم
بسام مرتضى
الصوره لأنجل باربيرو
posted by so7ab @ 11:02 AM
13 Comments:
:)
جميلة يا بسام
الكتابة حلوة قوى بس اللى يشوفك وانت تعبان يزعل لانك واحد تانى غير النشيط دائما
سلامتك
بس عيب عليها الصديقة فى ردها
متزعلش هما البنات كده
ده من ذوقك يا احمد
: )
مزنتى الجميله
التعب دايما بيدنى بعد جديد للحياه ويخلينى مستمتع اكتر بقلقك عليا
: )
اخيرا مكنش قصدى خالص انى متضايق من الصديقه - حلو التلئيح- بس اوقات بتكونى متوقعه حاجات تانيه ممكن منعرفهاش بس حاجه تانيه وده مينكرش ابدا ان صوتك - اسف صوتها- بيفرء معايا حتى ولو بكلام مش اللى انا متوقعه
المشكلة ان الناس المتعودة تعترض فى كل بوست(بتوع حزب لا).. (:قدام النوعية دى من الكتابات مبتقدرش تقول غير جميلة اوى بجد يا بسام
:)
من نعم ربنا إن الأيام كلها مش كده
عارف احساسك في المواصلات، خصوصا لما يبقى اليوم كله تجوال في المدينة ومواصلاتها وراجع بالليل، ونفسك تسترخي أو تقلد الناس النايمة لحد ما ترجع البيت .
**
حقولك حاجة يمكن تكون سخيفة
ساعات لما بيبقى اليوم كله في الشارع والمشاوير، بحس بإن البيت ده نعمة من أهم النعم في الدنيا
:)
حلوة يا بسام ايوة كدة بسام مش بس نشيط في الحركةان بقي بيحدث البلوج بتحف فنية جميلة
بسام انا عجبتني اللي كتبته بس خد بالك من نفسك يا جنتل احنا ما نستحملش فيك الهوا
kholoud
سلامتك بجد يا بسام
انا كمان مش متعودة عليك كده
مش تضايق من الصديقة علشان هي قلقانة عليك بجد
بس يمكن ساعات ردود افعالنا بتبقي مش مناسبة
كلنا بجد منا قلقنين عليك حتي لو مش بينا ده اوي
يلا خف بسرعة
محمد صبرى
بجد الف شكر يا جميل وخليك كدنا دايما متابعنا
عبد الرحمن
انا ساعتها كان احد احلامى انى الاقى نفسى فى البيت
اوقات فعلا البيت بيكون حلم جميل نفسك تغمض عينك وتفتحها تلاقيك فيه
فاطمه طماطم
مرسيه يا فندم على المدح ده كله انا مقدرش على كده
انا عارف انى مقصر معاكى اوى بس انا متأكد انك مش مبتضايقى منى
: )
دودى
انا كمان مش متعود على نفسى كده بس بقيت تمام خلاص رجعت اتطنت تانى : ) اخيرا
انا والله مش متضايق من الصديقه - يعينى التعب جه على دماغها والبوست كمان - الموضوع مش اكتر من تهيس عيانين
بسام ... الله يخرب بيتك .... طاهر كتب تعليق في الشغل على اللي انت كتبته فاكر طبعا ان انا اللي كاتب
خلينا نشوفك يا ...ص
سلامتك يا بسام .. البوست حلو اوي.. مختلف
i thank you my friend for what you try to do for the good you seem like an angel cam to our earth
الصديقه بسمه
الله يسلمك يا جميل بجد انتى وحشانى اوى ونفسى اشوفك يارت اسمع على الاقل صوتك قريب
ronnyvolcano
او بنت الروح
الله يخليكى على الكلام الكبير ده بجد انا مستهلش كل ده خالص
اهلا بيكى على طول فى المدونه
:)
Post a Comment
<< Home