في مقتل هبة ونادين .. مش مهم انهم اتقتلوا
لن انكر أن القضية في البداية أثارت اهتمامي من باب الفضول الانساني الطبيعي اللي بيحاول يحل لغز قضية
ومكنتش اتخيل انني ممكن أكتب عنهاكمان منكرش اني من خلال حس المواطن المصري الطبيعي لم اصدق الحدوتة اللي اتحكت من الشرطة عن الولد اللي قتلهم بغرض السرقة
باعتبار انني مثلي مثل كل المواطنين اثق ان الحكومة كاذبة إلي أن يثبت العكسوطبعا العكس عمره ما حيثبت المهم
كنت اعدة امام التليفزيون فرض عليا من امي وجدتي مشاهدة البيت بيتك
واللي كانت مستضيف اللواء معرفش مين رئيس مباحث 6 أكثوبر
واللي اعد يحكي علي الدلائل المؤكده اللي مفيش حاجة منها مؤكد واللي برضوا انا مش مهتمة بيها هنا
بس بجد اللي صدمني او وخضني هو انهاء الفقرة بتليفون من والد نادين واللي عمل حوار اد كده صدام
نبدأ والد ناين بالسلام عليكم ورحمة الله وبراكاته
وحشر في النص حلفان برب الكعبة والصلاة علي النبي والحمد والشكر لوزارة الداخلية ليه عشان اثبتوا براءة وشرف بنته
وانها مكنتش فاسدة مع انها عايشة لوحدها
وانهي المكالمة بطلب ان يقول رئيس المباحث امام الجمهور ما قاله له صباحا
اللي قالوا بنتك شريفة وكويسة واي بيت يتشرف بيها
للحظة نسيت ان البنت اتقتلت وحسيت انهم بيدورا لها علي عريس
وافتكرت تاني اما اكمل السيد اللواء ان الطبيب الشرعي اثبت انها بيت بنوت وان كل اصدقاء الاب كانوا بيبركوله ويهنئوا امام النيابة ...
بنته طلعت عزراء بجد ..
... ملعون ابوا ده مجتمع اللي خلي كل اللي فارق مع اب بينتوا اتقتلت من اسبوع ان بيتوا طلعت عزراء
وملعون ابوا ده مجتمع اللي حيفضل يحاسب البنات علي عزريتها وهي عايشة وهي ميتة
مش مهم انها اتقلت.. المهم انها عزراء
posted by kholoud @ 1:34 PM
14 Comments:
يا إله السماوات، أنا كنت البارحة بأسمع من بعيد برنامج 90 دقيقة لأنو أهلي كانوا مشغلينه و فهمت القضية لكن مكنتش متخيل بالمرة إن يكون هوا دا اللي حصل ف "البيت بيتك"
للأسف هو ده مجتمعنا المتخلف اللي نصه بيحمل البنت مسئولية مقتلها لأنها ارتكبت جريمة انها "عايشة لوحدها" حاجة تفور الدم بصحيح كأننا اصبحنا دولة مصرستان الأسلامية، ولازم البنت تعيش مع محرم!!
انتى قولتى الى كان محبوس فى بقى وكنت على وشك اقوله .. عموما انتى الهمتينى بقصاصه صغيره هكتبها قريب عن الموضوع ده . تابعينى
تحياتى
ينعل ابو ده مجتمع
أنا شفت والد نادين في البيت بيتك وحسيت إن الراجل دا مش طبيعي وبيتكلم بهبل وعبط ويقول الظباط كانو بيحضنوني ويبوسوني والكل بيباركلي إفتكرت إنه إتجنن بع بنته ما إتقلت ومكنتش عارفه إنه فرحان عشان عود الكبريت لسه مولعش !! وأكيد هيرجع يشتغل في السعوديه تاني ويكنز فلوس ويبعت بنته التانيه تدرس في مصر لوحدها ويفضل في السعوديه يلم فلوس !! السؤال هنا هو بيلم فلوس عشان مين إذا كان معندوش إلا بنتين واحده منهم ماتت . والله المجرم في القضيه دي والمفروض يتحاكم هو أبوها العبيط الفرحان أوي عشان الظباط حضنوه وباسوه
فعلا الموضوع مثير للقرف وصادم
وحتي مش مفهوم علي المستوي الانساني ان المنطقي ان اب يكون علي الاقل بيتكلم انوا مصدوم ف موت بنته ولا بيتكلم عن انتظاره لعقاب القاتل
ما علينا .. هي دي بلدنا
mohamed hamdy في انتظار اللي حتكتبه
طيب وايه المشكلة
هو لما لاقوها عذراء ده دليل دامغ على اخلاقها !!!!!!!
الناس دي هبلة ولا ايه ؟؟؟؟
ولو مكانتش عذراء كان هيبقى فيه عذر انها تتقتل
مشيها بطال بقى وهي اللي جابته لنفسها ؟؟؟؟؟؟؟؟؟؟؟
ايه ام الخراء المجتمعي ده ؟؟؟؟؟؟؟؟؟؟
دي جريمة قتل
يعني لو واحدة فتاة ليل بتشتغل رسميا عاهرة لو اتقتلت هتبقى برضه جريمة قتل
دي حاجة تقرف بجد
الجربان اللي بيقول إنها لو كانت فتاة ليل وإتقتلت تبقى جريمة قتل ؟؟؟ بيستنكر إن حد يقول عليها جريمة قتل !! طبعاً جريمة قتل يا أبو جهل لأن منطق المتخلفين زيك هو السبب في حالة الفوضى الموجوده في مصر دلوقت . إنت مالك الإنسان بيعمل إيه في حياته في قانون يحاسبه في الدنيا وفي ربنا يحاسبه في الآخرة لكن لما كل واحدد إن دا ملتزم ميستاهلش القتل ودا منحرف يستاهل القتل !! دا قانون الغابه يا أبو جهل إنت ملكش دعوه هي سلوكها إيه
. عند القانون والدوله هي مواطنة مصريه لها نفس حقوقك ومن حقها لما تتقتل القانون يعرف مين قتلها ويعاقبه وبعدين عند ربنا هي روح ربنا خلقها وهو الوحيد القادر والأعلم إذا كانت منحرفة أو شريفه . إنت مين إنت ؟ إيه إنت عشان تحكم على الناس . إنت زي ما قلتلك أبو جهل
وملعون ابو دة زمن اللي خلاك تكتب وانت لا تجيد الاملاء اسمها عذراء وليست عزراء يا فصيح
ربنا يخليك لامك
واضح ان اعتراضك على ان مسالة العذرية لاتعتبر دليل في حد ذاتها على الشرف وخصوصا في مجتمع عمليات الترقيع فيه اصبحت اسهل من الحقنة في العضل .. بس ما في داعي لان نلعن المجتمع على افكاره ومعتقداته مهما كنا ضدها لان مجتمع يبحث عن الفضيلة مهما كان جهله أفضل بكثر من مجتمع يبحث عن الفوضاوية والانحلال مهما كان تقدمه واللا ايه ؟!!!!! محمد الحناطي tah2050@hotmail.com
ليه كده يا جماعه مكبرين الموضوع ليه
اسف علشان دخلت كده من غير استأزان
السلام عليكم الاول
كان ليه راي فى الموضوع ده
ايه يعنى لما البنت تتقتل
كل يوم ناس بتموت عادى جدا
حوادث حروب اوبئه
مفيش مشكله اها تتقتل
الموت علينا حق
وايه يعنى انها تبقى عزراء ولا لا
ده هيهمنا فايه
يعنى لو مكنتشى عزراء كان ده هيسبب مشكله
عادى جدا احنا ملناش دعوه
الموضوع ده خد اكبر من حقه
بالمقارنه باحداث كتير جدا حصلت
انا شايف ان فيه حجاه غلط بتحصل
يعنى لما غزه انضربت اتكلمنا يومين وخلاص
رغم ان الموضوع يخصنا جدا
والمفروض نتكلم فيه كتييييير ونبدا ننفذ الى قلناه
احنا بقى اتكلمنا شويه وسكتنا كأن الى ماتو فى غزه مش من بنى البشر جايين من كوكب اورانوس مش تبعنا
ودلوقتى حضراتكم بتتناقشوا هيا كانت شريفه ولا لا
مش لاقى حاجه اعلق بيها بصراحه
اعزرونى ده راي شخصى
اسف على الاطاله
شكرا
مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.
قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/587
يمكنك متابعة باقى مدونات تدوينة دوت كوم على الرابط التالى:
http://www.tadwina.com
لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.
و لكم جزيل الشكر،
فريق عمل تدوينة دوت كوم.
http://www.tadwina.com
انتى ليه نطيتى كده من مقدمات ليها علاقة بنظام حكم فاسد , و اب الشرف بالنسباله هو مظهر اجتماعى و برامج تليزيونية مش فاهمة ايه هى اولويات الناس و ايه اللى احنا محتاجينه فى ظروف بلدنا اللى زى الزفت , و من اهل عاملين زى الغمة و الكارثة فارضين علينا طريقتهم فى الحياة ايا كانت , ليه نطيتى من كل مقدمات الانهيار ده لنتيجة انه المجتمع اللى بيهتم بمسالة الشرف او عشان ابقى ادق اللى بيهتم بعذرية البنت كرمز للشرف هو مجتمع ملعون .
منين جالك الربط ده , لا ثقافة الشرف هى اللى أخرت سن الجواز , و لا الفكرة دى منعت البورنو من انه يدخل على بيوتنا كلها بتواطؤ الأسر -رغم نفي ده فى الظاهر طبعا رغم واقعيته -لا فكرة الشرف هى خليتنا احط خلق الله علميا ,و لا فكرة الشرف هى اللى قتلت فينا الروح .
لو سمحتى بلاش تخلطى بين توجهاتك و بين ترابط عناصر الفكرة اللى بتطرحيها.
كلنا عارفين انه الراجل زينا كلنا دلوقتى لا بيهمه دين و لا نبى بيصلى عليه فى مداخلاته التليفزيونية , لا يعنيه لا عذرية و لا شرف , الحكاية و ما فيها وجاهة اجتماعية و مظهرية فارغة و اطر ثقافية لازم يتحافظ عليها قدام الناس , قدام الناس و بس .
فمفيش مجال اننا نتخيل انه الراجل مقاتل عن الدين و الشرف او العذرية اصلا عشان نستنتج انه عناصر الثقافة المجتمعية دى هى اسباب انحطاطنا .
الراجل محض كاذب زينا كلنا و كل عام و انتم بخير
شكرا اخوي
Post a Comment
<< Home